aa.heñ bhareñge ham kabhī naala kareñge ham
jab tak na boliyegā pukārā kareñge ham
duniyā ko diin diin ko duniyā kareñge ham
tere baneñge ham tujhe apnā kareñge ham
kuchh hai to yādgār-e-mohabbat yahī sahī
vo chhoḌ deñ sitam bhī to phir kyā kareñge ham
da.ave baḌe haiñ tum ko javānī kī niiñd par
achchhā to aaj raat ko naalā kareñge ham
dil aisā saath khelā huā dost aur daġhā
ab kyā kisī pe ḳhaak bharosā kareñge ham
phir tālibān-e-dīd ko āñkheñ fuzūl deñ
jab aap jānñe the ki pardā kareñge ham
tinke chune kabhī to kabhī ḳhaak uḌaa.ī hai
'manzar' na jaane aur abhī kyā kareñge ham
aahen bharenge hum kabhi nala karenge hum
jab tak na boliyega pukara karenge hum
duniya ko din din ko duniya karenge hum
tere banenge hum tujhe apna karenge hum
kuchh hai to yaadgar-e-mohabbat yahi sahi
wo chhoD den sitam bhi to phir kya karenge hum
dawe baDe hain tum ko jawani ki nind par
achchha to aaj raat ko nala karenge hum
dil aisa sath khela hua dost aur dagha
ab kya kisi pe KHak bharosa karenge hum
phir taliban-e-did ko aankhen fuzul den
jab aap jaanne the ki parda karenge hum
tinke chune kabhi to kabhi KHak uDai hai
'manzar' na jaane aur abhi kya karenge hum
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
