aa.ī ai gul-ezār kyā kahnā
ḳhuub aa.ī bahār kyā kahnā
mehñdī mal kar hai choT marjāñ par
haath lāla-nigār kyā kahnā
mujh se āshiq ke aur yuuñ nafrīñ
vaah shābāsh yaar kyā kahnā
barq bhī darkinār rah jaa.e
haañ dil-e-be-qarār kyā kahnā
laakh baar imtihān-e-ishq kiyā
na kahā ek baar kyā kahnā
bahs-e-girya meñ abr bol gayā
dīda-e-ashk-bār kyā kahnā
maiñ to rotā huuñ aap hañste haiñ
yahī hotā hai yaar kyā kahnā
saḳhtī-e-ishq jhel le ai dil
vaah re burdbār kyā kahnā
mar ga.e ham magar na rahm aayā
vahī tevar haiñ yaar kyā kahnā
ḳhaar ḳhār-e-ġham-e-dil-e-pur-dard
chīḳh kar ai hazār kyā kahnā
kah to lalkār leñ raqīboñ ko
baat rakh lī nigār kyā kahnā
josh-e-ulfat meñ aur zabt ai dil
jabr par iḳhtiyār kyā kahnā
yuuñ to jo gul hai ḳhuub hai lekin
terā ai gul-ezār kyā kahnā
ai 'sabā' da.avā-e-anal-haq hai
ḳhuub soche ho yaar kyā kahnā
aai ai gul-ezar kya kahna
KHub aai bahaar kya kahna
mehndi mal kar hai choT marjaan par
hath lala-nigar kya kahna
mujh se aashiq ke aur yun nafrin
wah shabash yar kya kahna
barq bhi darkinar rah jae
han dil-e-be-qarar kya kahna
lakh bar imtihan-e-ishq kiya
na kaha ek bar kya kahna
bahs-e-girya mein abr bol gaya
dida-e-ashk-bar kya kahna
main to rota hun aap hanste hain
yahi hota hai yar kya kahna
saKHti-e-ishq jhel le ai dil
wah re burdbar kya kahna
mar gae hum magar na rahm aaya
wahi tewar hain yar kya kahna
KHar KHar-e-gham-e-dil-e-pur-dard
chiKH kar ai hazar kya kahna
kah to lalkar len raqibon ko
baat rakh li nigar kya kahna
josh-e-ulfat mein aur zabt ai dil
jabr par iKHtiyar kya kahna
yun to jo gul hai KHub hai lekin
tera ai gul-ezar kya kahna
ai 'saba' dawa-e-anal-haq hai
KHub soche ho yar kya kahna
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
