aaina sa andheri raat ka main

ā.īna sā añdherī raat kā maiñ

ḳhvāb huuñ ḳhvāhish-e-nashāt kā maiñ

ḳhauf ik TūTtī qanāt kā maiñ

yā tazabzub hisār-e-zāt kā maiñ

chaal se kis kī piT gayā huuñ maiñ

jaane mohra huuñ kis bisāt kā maiñ

maiñ huuñ apne hunar pe vārafta

yā huuñ qātil tirī sifāt kā maiñ

Dūbtī aañkh meñ tasavvur sā

dhuup meñ rañg-e-be-hayāt kā maiñ

be-sabātī kī dhund meñ lipTā

rāsta huuñ tire sabāt kā maiñ

zindagī karbalā kā ik lamha

aur pyāsā lab-e-furāt kā maiñ

aaina sa andheri raat ka main

KHwab hun KHwahish-e-nashat ka main

KHauf ek TuTti qanat ka main

ya tazabzub hisar-e-zat ka main

chaal se kis ki piT gaya hun main

jaane mohra hun kis bisat ka main

main hun apne hunar pe warafta

ya hun qatil teri sifat ka main

Dubti aankh mein tasawwur sa

dhup mein rang-e-be-hayat ka main

be-sabaati ki dhund mein lipTa

rasta hun tere sabaat ka main

zindagi karbala ka ek lamha

aur pyasa lab-e-furaat ka main