aaina aaina kyun kar dekhe

aa.ina aa.ina kyuuñ kar dekhe

apne hī daaġh nazar bhar dekhe

tum ne jalve ko bhī chhūnā chāhā

ham ne ḳhushbū meñ bhī paikar dekhe

aap insāñ huā sūrat kā asiir

shīsha TuuTe to sikandar dekhe

ham ne āvāz lagā.ī sar-e-tūr

ruup jab shauq se kamtar dekhe

jalva-e-tūr bajā thā lekin

aañkh mushtāq thī paikar dekhe

dard ko ḳhauf bikhar jaane kā

aañkh ko shauq ki baḌh kar dekhe

mustaqil sab kā pata ek hī thā

kis ne faġhfūr-o-sikandar dekhe

aaina aaina kyun kar dekhe

apne hi dagh nazar bhar dekhe

tum ne jalwe ko bhi chhuna chaha

hum ne KHushbu mein bhi paikar dekhe

aap insan hua surat ka asir

shisha TuTe to sikandar dekhe

hum ne aawaz lagai sar-e-tur

rup jab shauq se kamtar dekhe

jalwa-e-tur baja tha lekin

aankh mushtaq thi paikar dekhe

dard ko KHauf bikhar jaane ka

aankh ko shauq ki baDh kar dekhe

mustaqil sab ka pata ek hi tha

kis ne faghfur-o-sikandar dekhe