aaina-asa ye KHwab-e-nilamin rakkhunga main

ā.ina-āsā ye ḳhvāb-e-nīlamīñ rakkhūñgā maiñ

aur us ujle sitāre par yaqīñ rakkhūñgā maiñ

umr bhar ḳhush aa.egī kyā merī tanhā.ī mujhe

rābta har chand logoñ se nahīñ rakkhūñgā maiñ

shahr hī aisā añdherā hai ki ik din bhuul kar

tāqche meñ phir charāġh-e-avvalīñ rakkhūñgā maiñ

raas aatī hī nahīñ jab pyaar kī shiddat mujhe

ik kamī apnī mohabbat meñ kahīñ rakkhūñgā maiñ

ek saaya sā guzar jā.egā mauj-e-nūr se

jab ujāle meñ vo shāḳh-e-yāsmīñ rakkhūñgā maiñ

haañ yahī miTTī virāsat hai mire ajdād kī

lauT kar apnī kamā.ī bhī yahīñ rakkhūñgā maiñ

aaina-asa ye KHwab-e-nilamin rakkhunga main

aur us ujle sitare par yaqin rakkhunga main

umr bhar KHush aaegi kya meri tanhai mujhe

rabta har chand logon se nahin rakkhunga main

shahr hi aisa andhera hai ki ek din bhul kar

taqche mein phir charagh-e-awwalin rakkhunga main

ras aati hi nahin jab pyar ki shiddat mujhe

ek kami apni mohabbat mein kahin rakkhunga main

ek saya sa guzar jaega mauj-e-nur se

jab ujale mein wo shaKH-e-yasmin rakkhunga main

han yahi miTTi wirasat hai mere ajdad ki

lauT kar apni kamai bhi yahin rakkhunga main