aaina dekhta rahta hai sanwarne wala

aa.ina dekhtā rahtā hai sañvarne vaalā

kaun ab hogā yahāñ pyaar pe marne vaalā

kis kī chāhat kā bharam rakhtā hai dil meñ apne

terī ḳhātir nahīñ koī bhī marne vaalā

bazm se uThne se pahle ye zarā soch bhī le

ḳhvāb ban jā.egā nazroñ se guzarne vaalā

har ghaḌī vo bhī to logoñ kī tarah haiñ rahtā

pahle simTā thā kahā ḳhud se bikharne vaalā

ham nahīñ kahte ye hālāt batāte haiñ hameñ

kab sukūñ paatā hai hālāt se Darne vaalā

gardisheñ vaqt se kahtā hai koī jā ke 'kiran'

ek lamha bhī nahīñ paas Thaharne vaalā

aaina dekhta rahta hai sanwarne wala

kaun ab hoga yahan pyar pe marne wala

kis ki chahat ka bharam rakhta hai dil mein apne

teri KHatir nahin koi bhi marne wala

bazm se uThne se pahle ye zara soch bhi le

KHwab ban jaega nazron se guzarne wala

har ghaDi wo bhi to logon ki tarah hain rahta

pahle simTa tha kaha KHud se bikharne wala

hum nahin kahte ye haalat batate hain hamein

kab sukun pata hai haalat se Darne wala

gardishen waqt se kahta hai koi ja ke 'kiran'

ek lamha bhi nahin pas Thaharne wala