aaina ruTh gaya hai tere jaane ke baad

aa.ina ruuTh gayā hai tire jaane ke baad

ik añdherā sā bichhā hai tire jaane ke baad

kis qadar TuuT ke barse haiñ ye bādal ġham ke

āsmāñ chīḳh uThā hai tire jaane ke baad

dil ke TukḌe hue barsāt huī ashkoñ kī

kyā kahūñ kyā kyā huā hai tire jaane ke baad

zehn bhī chup hai zabāñ chup hai nazar bhī chup hai

ham ne bhī kuchh na kahā hai tire jaane ke baad

chīḳhtā khañDar hai rotī hai havelī dil kī

ghar ye āseb-zada hai tire jaane ke baad

ghar meñ dīpak hī jalā hai na koī sham-e-vafā

muddatoñ dil hī jalā hai tire jaane ke baad

aisī Thokar kabhī khaa.ī na thī is se pahle

mujh ko sadma sā lagā hai tire jaane ke baad

ye zamāna hī nahīñ ḳhud se bhī 'arpit' mujh ko

kuchh ta.alluq na rahā hai tire jaane ke baad

aaina ruTh gaya hai tere jaane ke baad

ek andhera sa bichha hai tere jaane ke baad

kis qadar TuT ke barse hain ye baadal gham ke

aasman chiKH uTha hai tere jaane ke baad

dil ke TukDe hue barsat hui ashkon ki

kya kahun kya kya hua hai tere jaane ke baad

zehn bhi chup hai zaban chup hai nazar bhi chup hai

hum ne bhi kuchh na kaha hai tere jaane ke baad

chiKHta khanDar hai roti hai haweli dil ki

ghar ye aaseb-zada hai tere jaane ke baad

ghar mein dipak hi jala hai na koi sham-e-wafa

muddaton dil hi jala hai tere jaane ke baad

aisi Thokar kabhi khai na thi is se pahle

mujh ko sadma sa laga hai tere jaane ke baad

ye zamana hi nahin KHud se bhi 'arpit' mujh ko

kuchh talluq na raha hai tere jaane ke baad