aaj badli hai hawa saqi pila jam-e-sharab

aaj badlī hai havā saaqī pilā jām-e-sharāb

bars kaalī va.ada jaate haiñ baras kaale sahāb

aarsī suuñ ab sharāb-e-nāb khīñchā chāhiye

niiñd suuñ uTh yaar ne dekhā hai chashm-e-nīm-ḳhvāb

saaf dil ho gar hai tujh kuuñ ḳhvāhish-e-tark-e-havā

āb-e-ā.īna upar aatā nahīñ hargiz habāb

sūrat-e-mahtāb ro zāhir hai mere ashk suuñ

jalva-gar jiyūñ āb-e-dariyā meñ hai aks-e-māhtāb

har kitāb-e-sohbat-e-rañgīñ ke ma.anī dekh kar

fard-e-tanhā.ī ke mazmūñ kuuñ kiyā huuñ intiḳhāb

sāhab-e-ma.anī kiyā hai haq mujhe roz-e-binā

postīñ jaama hai mere bar mane misl-e-kitāb

ḳhema-e-gul baaġh meñ barpā hai ai 'dā.ūd' aaj

tan rahī hai dekh kyā āvāz-e-bulbul kī tanāb

aaj badli hai hawa saqi pila jam-e-sharab

bars kali wada jate hain baras kale sahab

aarsi sun ab sharab-e-nab khincha chahiye

nind sun uTh yar ne dekha hai chashm-e-nim-KHwab

saf dil ho gar hai tujh kun KHwahish-e-tark-e-hawa

aab-e-aina upar aata nahin hargiz habab

surat-e-mahtab ro zahir hai mere ashk sun

jalwa-gar jiyun aab-e-dariya mein hai aks-e-mahtab

har kitab-e-sohbat-e-rangin ke mani dekh kar

fard-e-tanhai ke mazmun kun kiya hun intiKHab

sahab-e-mani kiya hai haq mujhe roz-e-bina

postin jama hai mere bar mane misl-e-kitab

KHema-e-gul bagh mein barpa hai ai 'daud' aaj

tan rahi hai dekh kya aawaz-e-bulbul ki tanab