aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaj bhi qafila-e-ishq rawan hai ki jo tha

Firaq Gorakhpuri

aaj bhi qafila-e-ishq rawan hai ki jo tha

Firaq Gorakhpuri

MORE BYFiraq Gorakhpuri

    aaj bhī qāfila-e-ishq ravāñ hai ki jo thā

    vahī miil aur vahī sañg-e-nishāñ hai ki jo thā

    phir tirā ġham vahī rusvā-e-jahāñ hai ki jo thā

    phir fasāna ba-hadīs-e-digarāñ hai ki jo thā

    manzileñ gard ke mānind uḌī jaatī haiñ

    vahī andāz-e-jahān-e-guzarāñ hai ki jo thā

    zulmat o nuur meñ kuchh bhī na mohabbat ko milā

    aaj tak ek dhuñdalke samāñ hai ki jo thā

    yuuñ to is daur meñ be-kaif hai bazm-e-hayāt

    ek hangāma sar-e-ritl-e-girāñ hai ki jo thā

    laakh kar jaur-o-sitam laakh kar ehsān-o-karam

    tujh pe ai dost vahī vahm-o-gumāñ hai ki jo thā

    aaj phir ishq do-ālam se judā hotā hai

    āstīnoñ meñ liye kaun-o-makāñ hai ki jo thā

    ishq afsurda nahīñ aaj bhī afsurda bahut

    vahī kam kam asr-e-soz-e-nihāñ hai ki jo thā

    nazar aa jaate haiñ tum ko to bahut nāzuk baal

    dil mirā kyā vahī ai shīsha-girāñ hai ki jo thā

    jaan de baiThe the ik baar havas vaale bhī

    phir vahī marhala-e-sūd-o-ziyāñ hai ki jo thā

    aaj bhī said-gah-e-ishq meñ husan-e-saffāk

    liye abrū lachaktī kamāñ hai ki jo thā

    phir tirī chashm-e-suḳhan-sanj ne chheḌī koī baat

    vahī jaadū hai vahī husn-e-bayāñ hai ki jo thā

    raat bhar husn par aa.e bhī ga.e sau sau rañg

    shaam se ishq abhī tak nigarāñ hai ki jo thā

    jo bhī kar jaur-o-sitam jo bhī kar ehsān-o-karam

    tujh pe ai dost vahī vahm-o-gumāñ hai ki jo thā

    aañkh jhapkī ki idhar ḳhatm huā roz-e-visāl

    phir bhī is din pe qayāmat gumāñ hai ki jo thā

    qurb kam hai na duurī ziyāda lekin

    aaj vo rabt ehsās kahāñ hai ki jo thā

    tīra-baḳhtī nahīñ jaatī dil-e-sozāñ 'firāq'

    sham.a ke sar pe vahī aaj dhuāñ hai ki jo thā

    aaj bhi qafila-e-ishq rawan hai ki jo tha

    wahi mil aur wahi sang-e-nishan hai ki jo tha

    phir tera gham wahi ruswa-e-jahan hai ki jo tha

    phir fasana ba-hadis-e-digaran hai ki jo tha

    manzilen gard ke manind uDi jati hain

    wahi andaz-e-jahan-e-guzaran hai ki jo tha

    zulmat o nur mein kuchh bhi na mohabbat ko mila

    aaj tak ek dhundalke ka saman hai ki jo tha

    yun to is daur mein be-kaif si hai bazm-e-hayat

    ek hangama sar-e-ritl-e-giran hai ki jo tha

    lakh kar jaur-o-sitam lakh kar ehsan-o-karam

    tujh pe ai dost wahi wahm-o-guman hai ki jo tha

    aaj phir ishq do-alam se juda hota hai

    aastinon mein liye kaun-o-makan hai ki jo tha

    ishq afsurda nahin aaj bhi afsurda bahut

    wahi kam kam asr-e-soz-e-nihan hai ki jo tha

    nazar aa jate hain tum ko to bahut nazuk baal

    dil mera kya wahi ai shisha-giran hai ki jo tha

    jaan de baiThe the ek bar hawas wale bhi

    phir wahi marhala-e-sud-o-ziyan hai ki jo tha

    aaj bhi said-gah-e-ishq mein husan-e-saffak

    liye abru ki lachakti si kaman hai ki jo tha

    phir teri chashm-e-suKHan-sanj ne chheDi koi baat

    wahi jadu hai wahi husn-e-bayan hai ki jo tha

    raat bhar husn par aae bhi gae sau sau rang

    sham se ishq abhi tak nigaran hai ki jo tha

    jo bhi kar jaur-o-sitam jo bhi kar ehsan-o-karam

    tujh pe ai dost wahi wahm-o-guman hai ki jo tha

    aankh jhapki ki idhar KHatm hua roz-e-visal

    phir bhi is din pe qayamat ka guman hai ki jo tha

    qurb hi kam hai na duri hi ziyaada lekin

    aaj wo rabt ka ehsas kahan hai ki jo tha

    tira-baKHti nahin jati dil-e-sozan ki 'firaq'

    shama ke sar pe wahi aaj dhuan hai ki jo tha

    RECITATIONS

    Khalid Mubashshir

    Khalid Mubashshir,

    Khalid Mubashshir

    aaj bhi qafila-e-ishq rawan hai ki jo tha Khalid Mubashshir

    Source:

    Gul-e-Naghma (Pg. 24)

    • Author:  Firaq Gorakhpuri
      • Edition: 2006
      • Publisher: Maktaba Farogh-e-urdu Matia Mahal Jama Masjid Delhi
      • Year of Publication: 2006

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now