aaj din par hamein kal raat pe rona aaya

aaj din par hameñ kal raat pe ronā aaya

roz badle hue hālāt pe ronā aaya

kyā huā hāl-e-dil-e-zār shab-e-hijr na pūchh

ham ko be-bāt har ik baat pe ronā aaya

hañs diyā nāseh-e-kam-aql mirī bātoñ par

aur mujhe us kī ḳhurāfāt pe ronā aaya

dekh kar hālat-e-ḳhasta tire maiḳhāne kī

pīr-e-mai-ḳhāna tirī zaat pe ronā aaya

jaane kyā bak gayā maiñ haa.e junūñ meñ 'betāb'

jis ko bhī aaya mirī baat pe ronā aaya

aaj din par hamein kal raat pe rona aaya

roz badle hue haalat pe rona aaya

kya hua haal-e-dil-e-zar shab-e-hijr na puchh

hum ko be-baat har ek baat pe rona aaya

hans diya naseh-e-kam-aql meri baaton par

aur mujhe us ki KHurafat pe rona aaya

dekh kar haalat-e-KHasta tere maiKHane ki

pir-e-mai-KHana teri zat pe rona aaya

jaane kya bak gaya main hae junun mein 'betab'

jis ko bhi aaya meri baat pe rona aaya