aaj fursat hai to kuchh der Thahar dekh mujhe

aaj fursat hai to kuchh der Thahar dekh mujhe

mujh pe bhī Daal zarā ek nazar dekh mujhe

mere shāne pe tirā sar kabhī hogā tab tak

rakh ke shāne pe sahelī ke hī sar dekh mujhe

tā-qayāmat maiñ jagah se na hilūñgā apnī

tā-qayāmat tū mujhe dekh magar dekh mujhe

jaane kab samjhegī tū maiñ hī tirī manzil huuñ

marhaloñ se tū mirī jaan ubhar dekh mujhe

'tāj' kahtā hai mohabbat ke har ik maare se

maiñ tasavvur huuñ kisī aur kā par dekh mujhe

dekh mujh ko ki tujhe tū hī dikhā.ī degā

tujh pe bhī ho ke rahegā ye asar dekh mujhe

aaj fursat hai to kuchh der Thahar dekh mujhe

mujh pe bhi Dal zara ek nazar dekh mujhe

mere shane pe tera sar kabhi hoga tab tak

rakh ke shane pe saheli ke hi sar dekh mujhe

ta-qayamat main jagah se na hilunga apni

ta-qayamat tu mujhe dekh magar dekh mujhe

jaane kab samjhegi tu main hi teri manzil hun

marhalon se tu meri jaan ubhar dekh mujhe

'taj' kahta hai mohabbat ke har ek mare se

main tasawwur hun kisi aur ka par dekh mujhe

dekh mujh ko ki tujhe tu hi dikhai dega

tujh pe bhi ho ke rahega ye asar dekh mujhe