aaj ki sham Thahar jao ghazal hone tak

aaj kī shaam Thahar jaao ġhazal hone tak

iltijā hai ki na ghar jaao ġhazal hone tak

tum gul-e-ra.anā ho ḳhush-rang ho ḳhush-baḳht bhī ho

ḳhushbū ban ban ke bikhar jaao ġhazal hone tak

so.e ehsās kī lahroñ meñ machā do halchal

aañkh se dil meñ utar jaao ġhazal hone tak

phir ḳhudā jaane ye ā.īna rahe yā na rahe

aaj mauqa hai sañvar jaao ġhazal hone tak

apne har ḳhvāb ko kāġhaz pe mukammal kar luuñ

merī āñkhoñ meñ Thahar jaao ġhazal hone tak

kis tarah tum ko 'surūr' aaj qalam-band kare

mujh ko batlā ke hunar jaao ġhazal hone tak

aaj ki sham Thahar jao ghazal hone tak

iltija hai ki na ghar jao ghazal hone tak

tum gul-e-rana ho KHush-rang ho KHush-baKHt bhi ho

KHushbu ban ban ke bikhar jao ghazal hone tak

soe ehsas ki lahron mein macha do halchal

aankh se dil mein utar jao ghazal hone tak

phir KHuda jaane ye aaina rahe ya na rahe

aaj mauqa hai sanwar jao ghazal hone tak

apne har KHwab ko kaghaz pe mukammal kar lun

meri aankhon mein Thahar jao ghazal hone tak

kis tarah tum ko 'surur' aaj qalam-band kare

mujh ko batla ke hunar jao ghazal hone tak