aaj ki shab jaise bhi ho mumkin jagte rahna
aaj kī shab jaise bhī ho mumkin jāgte rahnā
koī nahīñ hai jaan kā zāmin jāgte rahnā
qazzāqoñ ke dasht meñ jab tak qāfila Thahre
qāfile vaalo raat ho yā din jāgte rahnā
tārīkī meñ lipTī huī pur-haul ḳhamoshī
is aalam meñ kyā nahīñ mumkin jāgte rahnā
aahaT aahaT par jaane kyuuñ dil dhaḌke hai
koī nahīñ atrāf meñ lekin jāgte rahnā
ThanDī havāoñ kā ai dil ehsāñ na uThānā
koī yahāñ hamdard na mohsin jāgte rahnā
rāh-numā sab dost haiñ lekin ai ham-safro
dost kā kyā zāhir kyā bātin jāgte rahnā
tāroñ kī āñkheñ bhī bojhal bojhal sī haiñ
koī nahīñ ab 'shā.ir' tujh-bin jāgte rahnā
aaj ki shab jaise bhi ho mumkin jagte rahna
koi nahin hai jaan ka zamin jagte rahna
qazzaqon ke dasht mein jab tak qafila Thahre
qafile walo raat ho ya din jagte rahna
tariki mein lipTi hui pur-haul KHamoshi
is aalam mein kya nahin mumkin jagte rahna
aahaT aahaT par jaane kyun dil dhaDke hai
koi nahin atraf mein lekin jagte rahna
ThanDi hawaon ka ai dil ehsan na uThana
koi yahan hamdard na mohsin jagte rahna
rah-numa sab dost hain lekin ai ham-safro
dost ka kya zahir kya baatin jagte rahna
taron ki aankhen bhi bojhal bojhal si hain
koi nahin ab 'shair' tujh-bin jagte rahna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
