aaj mujhko bhi mere ahbab dhoka de gae

aaj mujh ko bhī mire ahbāb dhoka de ga.e

maiñ tavānā shaḳhs thā a.asāb dhoka de ga.e

gaañv kī kuchh laḌkiyāñ apne ghaḌe bharne ga.iiñ

ḳhushk thā paanī vahāñ tālāb dhoka de ga.e

jo nazar aate the aksar un jabīnoñ par tujhe

kyā kareñ māthe ke vo mehrāb dhoka de ga.e

apne hāthoñ se khilātā thā magar vo uḌ ga.e

aaj mujh ko vo mire surḳhāb dhoka de ga.e

maiñ muāfī chāhtā huuñ mujh se ġhalatī ho ga.ī

kuchh bhī mushkil thā nahīñ eraab dhoka de ga.e

aaj se maiñ hijr kāTūñgā tasallī se 'sahar'

jo kabhī dekhe the maiñ ne ḳhvāb dhoka de ga.e

aaj mujh ko bhi mere ahbab dhoka de gae

main tawana shaKHs tha aasab dhoka de gae

ganw ki kuchh laDkiyan apne ghaDe bharne gain

KHushk tha pani wahan talab dhoka de gae

jo nazar aate the aksar un jabinon par tujhe

kya karen mathe ke wo mehrab dhoka de gae

apne hathon se khilata tha magar wo uD gae

aaj mujh ko wo mere surKHab dhoka de gae

main muafi chahta hun mujh se ghalati ho gai

kuchh bhi mushkil tha nahin erab dhoka de gae

aaj se main hijr kaTunga tasalli se 'sahar'

jo kabhi dekhe the main ne KHwab dhoka de gae