aaj phir dasht koi aabla-pa mange hai

aaj phir dasht koī ābla-pā māñge hai

ḳhaar bhī tāzgī-e-rañg-e-hinā māñge hai

zabt-e-ġham dast-ras-e-āh-e-rasā māñge hai

ye añdherā tire 'āriz kī ziyā māñge hai

jāñ-dahī tishna-labī ābla-pā.ī be-sūd

dasht-e-ġhurbat to kuchh is ke bhī sivā māñge hai

phuñk rahā hai ġham-e-hastī se vajūd-e-insāñ

zindagī ab tire dāman kī havā māñge hai

aap chupke se use zahr kā pyāla de deñ

jo rivāyat se baġhāvat kā sila māñge hai

chāñd siine se lagā.e hai mirā naqsh-e-qadam

aur sūraj mirī sāñsoñ kī sadā māñge hai

aaj phir dasht koi aabla-pa mange hai

KHar bhi tazgi-e-rang-e-hina mange hai

zabt-e-gham dast-ras-e-ah-e-rasa mange hai

ye andhera tere 'ariz ki ziya mange hai

jaan-dahi tishna-labi aabla-pai be-sud

dasht-e-ghurbat to kuchh is ke bhi siwa mange hai

phunk raha hai gham-e-hasti se wajud-e-insan

zindagi ab tere daman ki hawa mange hai

aap chupke se use zahr ka pyala de den

jo riwayat se baghawat ka sila mange hai

chand sine se lagae hai mera naqsh-e-qadam

aur suraj meri sanson ki sada mange hai