aaj phir ruh mein ek barq si lahraati hai
aaj phir ruuh meñ ik barq sī lahrātī hai
dil kī gahrā.ī se rone kī sadā aatī hai
yuuñ chaTaktī haiñ ḳharābāt meñ jaise kaliyāñ
tishnagī sāġhar-e-labrez se Takrātī hai
shola-e-ġham kī lapak aur mirā nāzuk sā mizāj
mujh ko fitrat ke ravayye pe hañsī aatī hai
maut ik amr-e-musallam hai to phir ai saaqī
ruuh kyuuñ ziist ke ālām se ghabrātī hai
so bhī jā ai dil-e-majrūh bahut raat ga.ī
ab to rah rah ke sitāroñ ko bhī niiñd aatī hai
aur to dil ko nahīñ hai koī taklīf 'adam'
haañ zarā nabz kisī vaqt Thahar jaatī hai
aaj phir ruh mein ek barq si lahraati hai
dil ki gahrai se rone ki sada aati hai
yun chaTakti hain KHarabaat mein jaise kaliyan
tishnagi saghar-e-labrez se Takraati hai
shola-e-gham ki lapak aur mera nazuk sa mizaj
mujh ko fitrat ke rawayye pe hansi aati hai
maut ek amr-e-musallam hai to phir ai saqi
ruh kyun zist ke aalam se ghabraati hai
so bhi ja ai dil-e-majruh bahut raat gai
ab to rah rah ke sitaron ko bhi nind aati hai
aur to dil ko nahin hai koi taklif 'adam'
han zara nabz kisi waqt Thahar jati hai
Source:
Kulliyat-e-Adm (Pg. 1423)
- Author: Khwaja Mohammad Zakariya
-
- Edition: 2009
- Publisher: Alhamd Publications, Lahore
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
