aaj qabu mein ye mizaj nahin
aaj qaabū meñ ye mizāj nahīñ
be-ḳhudī kā koī ilaaj nahīñ
vaqt-e-āḳhir hai merā jaao tabīb
ab davā kī to ehtiyāj nahīñ
ahd meñ mere shāh-e-ḳhūbāñ ke
sitam-o-zulm kā rivāj nahīñ
mujh ko dikhlā do rū-e-ġhaus-e-ḳhudā
aur koī mirā ilaaj nahīñ
kam nahīñ faqr bādshāhī se
kuchh tamannā-e-taḳht-o-tāj nahīñ
shāh-e-ḳhūbāñ ke vāste hargiz
ġhair-az-dil koī ḳhirāj nahīñ
haf-iqlīm nazr-e-shah karte
ai 'jamīla' hamārā raaj nahīñ
aaj qabu mein ye mizaj nahin
be-KHudi ka koi ilaj nahin
waqt-e-aKHir hai mera jao tabib
ab dawa ki to ehtiyaj nahin
ahd mein mere shah-e-KHuban ke
sitam-o-zulm ka riwaj nahin
mujh ko dikhla do ru-e-ghaus-e-KHuda
aur koi mera ilaj nahin
kam nahin faqr baadshahi se
kuchh tamanna-e-taKHt-o-taj nahin
shah-e-KHuban ke waste hargiz
ghair-az-dil koi KHiraj nahin
haf-iqlim nazr-e-shah karte
ai 'jamila' hamara raj nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
