aaj tak dida-e-mushtaq se pinhan hi rahe

aaj tak dīda-e-mushtāq se pinhāñ hī rahe

ye alag baat vo nazdīk rag-e-jāñ hī rahe

aur hoñge jinheñ miltā hai sukūn-e-ḳhātir

ham tirī bazm meñ aa kar bhī pareshāñ hī rahe

ik faqat bazm-e-nigārāñ hī pe mauqūf nahīñ

ham sar-e-dār bhī ai dost ġhazal-ḳhvāñ hī rahe

ye bhī mumkin hai koī aa.e sar-e-rāh-e-vafā

ye bhī mumkin hai mire ba.ad ye vīrāñ hī rahe

aaj tak dida-e-mushtaq se pinhan hi rahe

ye alag baat wo nazdik rag-e-jaan hi rahe

aur honge jinhen milta hai sukun-e-KHatir

hum teri bazm mein aa kar bhi pareshan hi rahe

ek faqat bazm-e-nigaran hi pe mauquf nahin

hum sar-e-dar bhi ai dost ghazal-KHwan hi rahe

ye bhi mumkin hai koi aae sar-e-rah-e-wafa

ye bhi mumkin hai mere baad ye viran hi rahe