aaj yun dard tera dil ke ufuq par chamka
aaj yuuñ dard tirā dil ke ufuq par chamkā
jaise do pul ke liye sub.h kā aḳhtar chamkā
yuuñ ziyā-bār rahī hijr kī shab yaad tirī
ġham kā sho.ala tire ruḳhsār se baḌh kar chamkā
ḳhāk-e-gulshan se na koī bhī sharārā phūTā
fasl-e-gul aa.ī na koī bhī gul-e-tar chamkā
ab nahīñ ahl-e-nazar ahl-e-basīrat koī
la.al samjhe haiñ use jab koī patthar chamkā
ik kiran chhoḌ gayā dīda-o-dil meñ 'hāfiz'
vo hasīñ ashk ki jo nok-e-mizha par chamkā
aaj yun dard tera dil ke ufuq par chamka
jaise do pul ke liye subh ka aKHtar chamka
yun ziya-bar rahi hijr ki shab yaad teri
gham ka shoala tere ruKHsar se baDh kar chamka
KHak-e-gulshan se na koi bhi sharara phuTa
fasl-e-gul aai na koi bhi gul-e-tar chamka
ab nahin ahl-e-nazar ahl-e-basirat koi
lal samjhe hain use jab koi patthar chamka
ek kiran chhoD gaya dida-o-dil mein 'hafiz'
wo hasin ashk ki jo nok-e-mizha par chamka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
