gham se na aansuon se na diwangi se hum

ġham se na āñsuoñ se na dīvāngī se ham

vāqif nahīñ the aap se pahle kisī se ham

zinda rakhīñ buzurgoñ kī ham ne rivāyateñ

dushman se bhī mile to mile ājizī se ham

sab sar-phirī havāoñ ko dushman banā liyā

raushan hue the laḌne ko ik tīrgī se ham

sāñseñ mahak rahī haiñ nigāhoñ meñ nuur hai

phir aaj mil ke aa.e haiñ ik aadmī se ham

sūraj to sirf din ke ujāle kā hai imaam

ham haiñ charāġh laḌte haiñ tīra-shabī se ham

badnām ho rahā hai muqaddar to be-sabab

barbād haiñ ḳhud apne amal kī kamī se ham

gham se na aansuon se na diwangi se hum

waqif nahin the aap se pahle kisi se hum

zinda rakhin buzurgon ki hum ne riwayaten

dushman se bhi mile to mile aajizi se hum

sab sar-phiri hawaon ko dushman bana liya

raushan hue the laDne ko ek tirgi se hum

sansen mahak rahi hain nigahon mein nur hai

phir aaj mil ke aae hain ek aadmi se hum

suraj to sirf din ke ujale ka hai imam

hum hain charagh laDte hain tira-shabi se hum

badnam ho raha hai muqaddar to be-sabab

barbaad hain KHud apne amal ki kami se hum