aaKHir aaKHir ek gham hi aashna rah jaega

āḳhir āḳhir ek ġham hī āshnā rah jā.egā

aur vo ġham bhī mujh ko ik din dekhtā rah jā.egā

sochtā huuñ ashk-e-hasrat hī karūñ nazr-e-bahār

phir ḳhayāl aatā hai mere paas kyā rah jā.egā

ab havā.eñ hī kareñgī raushnī kā faisla

jis diye meñ jaan hogī vo diyā rah jā.egā

aaj agar ghar meñ yahī rañg-e-shab-e-ishrat rahā

log so jā.eñge darvāza khulā rah jā.egā

tā-had-e-manzil tavāzun chāhiye raftār meñ

jo musāfir tez-tar aage baḌhā rah jā.egā

ghar kabhī ujḌā nahīñ ye ghar kā shajara hai gavāh

ham ga.e to aa ke koī dūsrā rah jā.egā

raushnī 'mahshar' rahegī raushnī apnī jagah

maiñ guzar jā.ūñgā merā naqsh-e-pā rah jā.egā

aaKHir aaKHir ek gham hi aashna rah jaega

aur wo gham bhi mujh ko ek din dekhta rah jaega

sochta hun ashk-e-hasrat hi karun nazr-e-bahaar

phir KHayal aata hai mere pas kya rah jaega

ab hawaen hi karengi raushni ka faisla

jis diye mein jaan hogi wo diya rah jaega

aaj agar ghar mein yahi rang-e-shab-e-ishrat raha

log so jaenge darwaza khula rah jaega

ta-had-e-manzil tawazun chahiye raftar mein

jo musafir tez-tar aage baDha rah jaega

ghar kabhi ujDa nahin ye ghar ka shajara hai gawah

hum gae to aa ke koi dusra rah jaega

raushni 'mahshar' rahegi raushni apni jagah

main guzar jaunga mera naqsh-e-pa rah jaega