aaKHir aisi bhi kya KHata hai meri

āḳhir aisī bhī kyā ḳhatā hai mirī

kitnī taklīf-dah sazā hai mirī

tere maz.hab meñ āsthā hai mirī

tū bhī secular ho kāmnā hai mirī

mere siine se merā dil hī nahīñ

dhaḌkanoñ ko bhī le gayā hai mirī

pahle zaḳhmoñ pe zaḳhm detā hai

aur phir ḳhair māñgtā hai mirī

terī dīvānī saarī duniyā hai

tū mirī hī rahe duā hai mirī

merā hindostāñ badan hai mirā

aur punjab aatmā hai mirī

vo bhī apne hī man kā mālik hai

maiñ samajhtā thā māntā hai mirī

aaKHir aisi bhi kya KHata hai meri

kitni taklif-dah saza hai meri

tere mazhab mein aastha hai meri

tu bhi secular ho kaamna hai meri

mere sine se mera dil hi nahin

dhaDkanon ko bhi le gaya hai meri

pahle zaKHmon pe zaKHm deta hai

aur phir KHair mangta hai meri

teri diwani sari duniya hai

tu meri hi rahe dua hai meri

mera hindostan badan hai mera

aur punjab aatma hai meri

wo bhi apne hi man ka malik hai

main samajhta tha manta hai meri