aaKHir uske husn ki mushkil ko hal maine kiya
āḳhir us ke husn kī mushkil ko hal maiñ ne kiyā
ek nasrī nazm thī jis ko ġhazal maiñ ne kiyā
kyā balāġhat aa ga.ī us ke badan ke matn meñ
chand lafzoñ kā jo kuchh radd-o-badal maiñ ne kiyā
bā.is-e-tauhīn hai dil ke liye takrār-e-jism
aaj phir kaise karūñ vo sab jo kal maiñ ne kiyā
bazm ho bāzār ho saarī nigāheñ mujh pe haiñ
kyā un āñkhoñ ke ishāroñ par amal maiñ ne kiyā
jis jagah marnā thā mujh ko maiñ vahāñ jiitā rahā
ishq meñ har kaam be-mauqa-mahal maiñ ne kiyā
aaKHir us ke husn ki mushkil ko hal main ne kiya
ek nasri nazm thi jis ko ghazal main ne kiya
kya balaghat aa gai us ke badan ke matn mein
chand lafzon ka jo kuchh radd-o-badal main ne kiya
bais-e-tauhin hai dil ke liye takrar-e-jism
aaj phir kaise karun wo sab jo kal main ne kiya
bazm ho bazar ho sari nigahen mujh pe hain
kya un aankhon ke ishaaron par amal main ne kiya
jis jagah marna tha mujh ko main wahan jita raha
ishq mein har kaam be-mauqa-mahal main ne kiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
