aaKHirash dard ya dawa tha main

āḳhirash dard yā davā thā maiñ

zindagī tū batā ki kyā thā maiñ

maiñ kabhī ik jagah rukā hī nahīñ

aisā lagtā hai ki havā thā maiñ

haañ mujhe ḳhud ko zer karnā paḌā

apne rāste meñ aa rahā thā maiñ

ai 'qamar' ab mujhe bhī yaad nahīñ

āḳhirī baar kab hañsā thā maiñ

aaKHirash dard ya dawa tha main

zindagi tu bata ki kya tha main

main kabhi ek jagah ruka hi nahin

aisa lagta hai ki hawa tha main

han mujhe KHud ko zer karna paDa

apne raste mein aa raha tha main

ai 'qamar' ab mujhe bhi yaad nahin

aaKHiri bar kab hansa tha main