aaKHiri ab KHatm hone ko hai bab-e-zindagi

āḳhirī ab ḳhatm hone ko hai bāb-e-zindagī

lo mukammal ho ga.ī 'zebī' kitāb-e-zindagī

likh rahī huuñ naam tere intisāb-e-zindagī

sirf tū hai sirf tū hai intiḳhāb-e-zindagī

rāhatoñ ke aur ġhamoñ ke saare mausam tujh se haiñ

tū jamāl-e-fikr-o-fan tū āftāb-e-zindagī

apne apne har amal kā goshvāra saath hai

ab tumhāre rū-ba-rū hogā hisāb-e-zindagī

apnī apnī uljhanoñ meñ ab haiñ sab uljhe hue

ab nahīñ baaqī kahīñ āñkhoñ meñ tāb-e-zindagī

hai amal hī se mayassar rāhat-e-qalb-o-jigar

bā-amal hai jo vahī hai kāmyāb-e-zindagī

ab na iḳhlās-o-muravvat hai na logoñ meñ vafā

kasrat-e-zar ne badal Daalā nisāb-e-zindagī

aaKHiri ab KHatm hone ko hai bab-e-zindagi

lo mukammal ho gai 'zebi' kitab-e-zindagi

likh rahi hun nam tere intisab-e-zindagi

sirf tu hai sirf tu hai intiKHab-e-zindagi

rahaton ke aur ghamon ke sare mausam tujh se hain

tu jamal-e-fikr-o-fan tu aaftab-e-zindagi

apne apne har amal ka goshwara sath hai

ab tumhaare ru-ba-ru hoga hisab-e-zindagi

apni apni uljhanon mein ab hain sab uljhe hue

ab nahin baqi kahin aankhon mein tab-e-zindagi

hai amal hi se mayassar rahat-e-qalb-o-jigar

ba-amal hai jo wahi hai kaamyab-e-zindagi

ab na iKHlas-o-murawwat hai na logon mein wafa

kasrat-e-zar ne badal Dala nisab-e-zindagi