aaKHiri ummid bhi aankhon se chhalkae hue

āḳhirī ummīd bhī āñkhoñ se chhalkā.e hue

kaun sī jānib chale haiñ tere Thukrā.e hue

apnī galiyāñ apnī bastī bhuul baiThā hai vo chāñd

ek yug guzrā hai us ko nuur barsā.e hue

justujū vaale tumhārī raah meñ mar miT ga.e

ek muddat se tumheñ pardes haiñ bhaa.e hue

ai bahār-e-zindagī ab der hai kis baat kī

baasī phūloñ kī tarah haiñ baḳht murjhā.e hue

duur jā niklā kahīñ sūraj hamāre shahr kā

raat bhāgī aa rahī hai shaam ke saa.e hue

but banā baiThā rahā 'hasrat' huzūr-e-husn meñ

kah ga.e apnī zabāñ meñ ashk tharrā.e hue

aaKHiri ummid bhi aankhon se chhalkae hue

kaun si jaanib chale hain tere Thukrae hue

apni galiyan apni basti bhul baiTha hai wo chand

ek yug guzra hai us ko nur barsae hue

justuju wale tumhaari rah mein mar miT gae

ek muddat se tumhein pardes hain bhae hue

ai bahaar-e-zindagi ab der hai kis baat ki

basi phulon ki tarah hain baKHt murjhae hue

dur ja nikla kahin suraj hamare shahr ka

raat bhagi aa rahi hai sham ke sae hue

but bana baiTha raha 'hasrat' huzur-e-husn mein

kah gae apni zaban mein ashk tharrae hue