aaKHirul-amr teri samt safar karte hain

āḳhirul-amr tirī samt safar karte haiñ

aaj is naḳhl-e-masāfat ko shajar karte haiñ

jo hai ābād tirī ā.ina-sāmānī se

ham isī ḳhāna-e-hairat meñ basar karte haiñ

dil to vo peT kā halkā hai ki bas kuchh na kaho

apnī hālat se kab aisoñ ko ḳhabar karte haiñ

vasl aur hijr haiñ donoñ hī miyāñ se bai.at

dekhiye kis pe ināyat kī nazar karte haiñ

dil ne kuchh zor dikhāyā to ye sunñā ik din

ham bhī alvand-e-ġham-e-yār ko sar karte haiñ

tum ko to diin kī bhī fikr hai duniyā kī bhī

bhaa.ī ham to yūñhī bekār basar karte haiñ

aaKHirul-amr teri samt safar karte hain

aaj is naKHl-e-masafat ko shajar karte hain

jo hai aabaad teri aaina-samani se

hum isi KHana-e-hairat mein basar karte hain

dil to wo peT ka halka hai ki bas kuchh na kaho

apni haalat se kab aison ko KHabar karte hain

wasl aur hijr hain donon hi miyan se baiat

dekhiye kis pe inayat ki nazar karte hain

dil ne kuchh zor dikhaya to ye sunna ek din

hum bhi alwand-e-gham-e-yar ko sar karte hain

tum ko to din ki bhi fikr hai duniya ki bhi

bhai hum to yunhi bekar basar karte hain