aalam-e-rozgar ki mari hai zindagi

ālām-e-rozgār kī maarī hai zindagī

phir bhī hameñ aziiz hai pyārī hai zindagī

āsūdagān-e-ishrat-e-hastī ko kyā ḳhabar

ham jānte haiñ jaisī hamārī hai zindagī

itnā batā chuke haiñ ki kundan banā diyā

sho.aloñ meñ ġham ke ham ne nikhārī hai zindagī

gul shāḳh par kabhī kaf-e-gul-chīñ meñ hai kabhī

yaksāñ jahāñ meñ kis ne guzārī hai zindagī

har lamha zindagī kā amānat kisī kī hai

ham zindagī ke haiñ na hamārī hai zindagī

maqdūr ho to us ko badal leñ ajal se ham

aisī firāq-e-dost meñ bhārī hai zindagī

'maikash' hameñ kahāñ haram-o-dair kī ḳhabar

ham ne to mai-kade meñ guzārī hai zindagī

aalam-e-rozgar ki mari hai zindagi

phir bhi hamein aziz hai pyari hai zindagi

aasudagan-e-ishrat-e-hasti ko kya KHabar

hum jaante hain jaisi hamari hai zindagi

itna bata chuke hain ki kundan bana diya

shoalon mein gham ke hum ne nikhaari hai zindagi

gul shaKH par kabhi kaf-e-gul-chin mein hai kabhi

yaksan jahan mein kis ne guzari hai zindagi

har lamha zindagi ka amanat kisi ki hai

hum zindagi ke hain na hamari hai zindagi

maqdur ho to us ko badal len ajal se hum

aisi firaq-e-dost mein bhaari hai zindagi

'maikash' hamein kahan haram-o-dair ki KHabar

hum ne to mai-kade mein guzari hai zindagi