aalam ka Dar hai jinhen aalam se pahle

ālām kā Dar hai jinheñ ālām se pahle

kar dete haiñ raushan vo diyā shaam se pahle

jo TuuT gayā rishta-e-ulfat hī to kyoñ log

lete haiñ tirā naam mere naam se pahle

mad.hosh jo ho jā.ūñ to hairat meñ na paḌnā

āñkhoñ se pilā dete haiñ vo jaam se pahle

hai kohkan-o-'qais' kī rūdād mujhe yaad

anjām se vāqif huuñ maiñ anjām se pahle

sayyād se hushiyār raheñ tā.ir-e-nau-ḳhez

daana bhī bichhā dete haiñ ye daam se pahle

maiñ kūcha-e-jānāñ meñ qadam rakhtā huuñ jab bhī

letā huuñ ijāzat dil-e-nākām se pahle

achchhoñ se pata chaltā hai insāñ ko buroñ kā

rāvan kā pata chal na sakā raam se pahle

'rizvāñ' na thā ehsās musāvāt-e-bashar kā

insān ko paiġhambar-e-islām se pahle

aalam ka Dar hai jinhen aalam se pahle

kar dete hain raushan wo diya sham se pahle

jo TuT gaya rishta-e-ulfat hi to kyon log

lete hain tera nam mere nam se pahle

madhosh jo ho jaun to hairat mein na paDna

aankhon se pila dete hain wo jam se pahle

hai kohkan-o-'qais' ki rudad mujhe yaad

anjam se waqif hun main anjam se pahle

sayyaad se hushiyar rahen tair-e-nau-KHez

dana bhi bichha dete hain ye dam se pahle

main kucha-e-jaanan mein qadam rakhta hun jab bhi

leta hun ijazat dil-e-nakaam se pahle

achchhon se pata chalta hai insan ko buron ka

rawan ka pata chal na saka ram se pahle

'rizwan' na tha ehsas musawat-e-bashar ka

insan ko paighambar-e-islam se pahle