aalam-e-kaun-o-makan nam hai virane ka
ālam-e-kaun-o-makāñ naam hai vīrāne kā
paas vahshat nahīñ ghar duur hai dīvāne kā
zahr vaa.iz ke liye naam hai paimāne kā
ye bhī kyā mard-e-ḳhudā chor hai mai-ḳhāne kā
kabhī fursat ho musībat se to uTh kar dekhūñ
kaun se goshe meñ ārām hai kāshāne kā
be-ḳhud-e-shauq huuñ aatā hai ḳhudā yaad mujhe
rāsta bhuul ke baiThā huuñ sanam-ḳhāne kā
dil kī jaulāñ-gah-e-vahshat hai abad se mausūm
naam azal hai mire bhūle hue afsāne kā
dil jo apnā bhī hai 'nātiq' to ye apnā nahīñ kuchh
hai jo apnā bhī to hogā kisī begāne kā
aalam-e-kaun-o-makan nam hai virane ka
pas wahshat nahin ghar dur hai diwane ka
zahr waiz ke liye nam hai paimane ka
ye bhi kya mard-e-KHuda chor hai mai-KHane ka
kabhi fursat ho musibat se to uTh kar dekhun
kaun se goshe mein aaram hai kashane ka
be-KHud-e-shauq hun aata hai KHuda yaad mujhe
rasta bhul ke baiTha hun sanam-KHane ka
dil ki jaulan-gah-e-wahshat hai abad se mausum
nam azal hai mere bhule hue afsane ka
dil jo apna bhi hai 'natiq' to ye apna nahin kuchh
hai jo apna bhi to hoga kisi begane ka
- Deewan-e-Natiq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
