aalam-e-ku-e-yar baqi hai

ālam-e-kū-e-yār baaqī hai

āshiqoñ kā dayār baaqī hai

'mīr' kā kho chuke ye bad-qismat

aur sab kā mazār baaqī hai

bazm se terī aa.e haiñ uTh kar

aah ab tak ḳhumār baaqī hai

da.avā-e- ishq hai kiyā ham ne

haif dil meñ qarār baaqī hai

ġhuncha-o-bāġh raah taake haiñ

ab ke aao bahār baaqī hai

apnī tanhā.iyāñ to gin lī haiñ

vahshatoñ kā shumār baaqī hai

ḳhāna-e-dil meñ rahtī vīrānī

tāqche par ġhubār baaqī hai

āl-e-haidar 'murād' hai nasabī

maddāh-e-zulfiqār baaqī hai

aalam-e-ku-e-yar baqi hai

aashiqon ka dayar baqi hai

'mir' ka kho chuke ye bad-qismat

aur sab ka mazar baqi hai

bazm se teri aae hain uTh kar

aah ab tak KHumar baqi hai

dawa-e- ishq hai kiya hum ne

haif dil mein qarar baqi hai

ghuncha-o-bagh rah take hain

ab ke aao bahaar baqi hai

apni tanhaiyan to gin li hain

wahshaton ka shumar baqi hai

KHana-e-dil mein rahti virani

taqche par ghubar baqi hai

aal-e-haidar 'murad' hai nasabi

maddah-e-zulfiqar baqi hai