aalam mein agar ishq ka bazar na hota
aalam meñ agar ishq kā bāzār na hotā
koī kisī bande kā ḳharīdār na hotā
hastī kī ḳharābī nazar aatī jo adam meñ
us ḳhvāb se hargiz koī bedār na hotā
kahtā hai tujhe ḳhaak na duuñ ġhair-e-azīyat
ye dil meñ agar thī to mirā yaar na hotā
mālūm kise thī ye tirī ḳhāna-ḳharābī
maiñ jāntā aisā to giraftār na hotā
aalam ko jalātī hai tirī garmi-e-majlis
marte ham agar sāya-e-dīvār na hotā
ai shaiḳh agar kufr se islām judā hai
pas chāhiye tasbīh meñ zunnār na hotā
zālim mire hāsid kī to shādī thī isī meñ
yaanī mujhe dar tak bhī tire baar na hotā
dete tirī majlis meñ agar raah 'fuġhāñ' ko
us shaḳhs se hargiz koī be-zār na hotā
aalam mein agar ishq ka bazar na hota
koi kisi bande ka KHaridar na hota
hasti ki KHarabi nazar aati jo adam mein
us KHwab se hargiz koi bedar na hota
kahta hai tujhe KHak na dun ghair-e-aziyat
ye dil mein agar thi to mera yar na hota
malum kise thi ye teri KHana-KHarabi
main jaanta aisa to giraftar na hota
aalam ko jalati hai teri garmi-e-majlis
marte hum agar saya-e-diwar na hota
ai shaiKH agar kufr se islam juda hai
pas chahiye tasbih mein zunnar na hota
zalim mere hasid ki to shadi thi isi mein
yani mujhe dar tak bhi tere bar na hota
dete teri majlis mein agar rah 'fughan' ko
us shaKHs se hargiz koi be-zar na hota
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
