aamada rakkhen chashm-o-dil saman-e-hairani karen

āmāda rakkheñ chashm-o-dil sāmān-e-hairānī kareñ

kyā jāniye kis vaqt vo nazāra farmānī kareñ

bahr-e-balā hai mauj par qahr-e-qazā hai auj par

haiñ kāh-e-sāmāñ musta.id tā nā-gurezānī kareñ

aa.ī hai raat aisī danī hai har charāġh afsurdanī

ai dil bayā ai dil bayā kuchh sho.ala-sāmānī kareñ

haañ haañ dikhā.eñge zarūr ham vahshat-e-dil kā vafūr

pahle ye shahr-e-dasht-o-dar takmīl-e-vīrānī kareñ

ai āshiqāñ ai āshiqāñ aayā hai amar-e-nā-gahāñ

jo log haiñ nazāra jū vo mashq-e-hairānī kareñ

vo sham.a hai dar-e-tāq-e-dil raushan haiñ sab āfāq-e-dil

uftādgān-e-ḳhāk uTho aflāk gardānī kareñ

hai bas-ki teġh us kī ravāñ kamyāb haiñ nā-kustagāñ

sab sarfaroshoñ se kaho chande farāvānī kareñ

ik nāsihānā arz hai dariyāoñ par ye farz hai

dil kī tarah har lahar meñ tajdīd-e-tuġhyānī kareñ

aise gharoñ meñ ahl-e-dil rahte nahīñ haiñ mustaqil

tabdīl ye dīvār-o-dar uslūb-e-vīrānī kareñ

aamada rakkhen chashm-o-dil saman-e-hairani karen

kya jaaniye kis waqt wo nazara farmani karen

bahr-e-bala hai mauj par qahr-e-qaza hai auj par

hain kah-e-saman mustaid ta na-gurezani karen

aai hai raat aisi dani hai har charagh afsurdani

ai dil baya ai dil baya kuchh shoala-samani karen

han han dikhaenge zarur hum wahshat-e-dil ka wafur

pahle ye shahr-e-dasht-o-dar takmil-e-virani karen

ai aashiqan ai aashiqan aaya hai amar-e-na-gahan

jo log hain nazara ju wo mashq-e-hairani karen

wo shama hai dar-e-taq-e-dil raushan hain sab aafaq-e-dil

uftadgan-e-KHak uTho aflak gardani karen

hai bas-ki tegh us ki rawan kamyab hain na-kustagan

sab sarfaroshon se kaho chande farawani karen

ek nasihana arz hai dariyaon par ye farz hai

dil ki tarah har lahar mein tajdid-e-tughyani karen

aise gharon mein ahl-e-dil rahte nahin hain mustaqil

tabdil ye diwar-o-dar uslub-e-virani karen