aana jaana hai to qamat se tum aao jao

aanā jaanā hai to qāmat se tum aao jaao

dar-e-iz.hār-e-muravvat se tum aao jaao

vo tahayyur jo tumheñ le ke yahāñ aayā thā

us tahayyur kī visātat se tum aao jaao

ham kisī samt bagūloñ ko nahīñ rokte haiñ

garmi-e-zuaq sharārat se tum aao jaao

kaf uḌāne pe bhī pābandī nahīñ hai koī

haañ magar thoḌī nafāsat se tum aao jaao

hameñ ummīd-e-balāġhat to nahīñ hai tum se

bas zarā thoḌī bulūġhat se tum aao jaao

kis ne rokā hai sar-e-rāh-e-mohabbat tum ko

tumheñ nafrat hai to nafrat se tum aao jaao

tum ki tiflān-e-adab saath lagā.e hue ho

kisī manqūl sharī.at se tum aao jaao

ham ne ash.ār kā darvāza khulā rakkhā hai

jab bhī jī chāhe sahūlat se tum aao jaao

aana jaana hai to qamat se tum aao jao

dar-e-izhaar-e-murawwat se tum aao jao

wo tahayyur jo tumhein le ke yahan aaya tha

us tahayyur ki wisatat se tum aao jao

hum kisi samt bagulon ko nahin rokte hain

garmi-e-zuaq shararat se tum aao jao

kaf uDane pe bhi pabandi nahin hai koi

han magar thoDi nafasat se tum aao jao

hamein ummid-e-balaghat to nahin hai tum se

bas zara thoDi bulughat se tum aao jao

kis ne roka hai sar-e-rah-e-mohabbat tum ko

tumhein nafrat hai to nafrat se tum aao jao

tum ki tiflan-e-adab sath lagae hue ho

kisi manqul shariat se tum aao jao

hum ne ashaar ka darwaza khula rakkha hai

jab bhi ji chahe sahulat se tum aao jao