aandhiyan chalti rahen aflak tharraate rahe
āñdhiyāñ chaltī raheñ aflāk tharrāte rahe
apnā parcham ham bhī tūfānoñ meñ lahrāte rahe
kaaT kar rātoñ ke parbat asr-e-nau ke tesha-zan
jū-e-shīr-o-chashma-e-nūr-e-sahar laate rahe
kārvān-e-himmat-e-jamhūr baḌhtā hī gayā
shahr-yār-o-hukmarāñ aate rahe jaate rahe
rahbaroñ kī bhuul thī yā rahbarī kā mudda.ā
qāfiloñ ko manziloñ ke paas bhaTkāte rahe
jis qadar baḌhtā gayā zālim havāoñ kā ḳharosh
us ke kākul aur bhī aariz pe lahrāte rahe
phāñsiyāñ ugtī rahīñ zindāñ ubharte hī rahe
chand dīvāne junūñ ke zamzame gaate rahe
aandhiyan chalti rahen aflak tharraate rahe
apna parcham hum bhi tufanon mein lahraate rahe
kaT kar raaton ke parbat asr-e-nau ke tesha-zan
ju-e-shir-o-chashma-e-nur-e-sahar late rahe
karwan-e-himmat-e-jamhur baDhta hi gaya
shahr-yar-o-hukmaran aate rahe jate rahe
rahbaron ki bhul thi ya rahbari ka muddaa
qafilon ko manzilon ke pas bhaTkate rahe
jis qadar baDhta gaya zalim hawaon ka KHarosh
us ke kakul aur bhi aariz pe lahraate rahe
phansiyan ugti rahin zindan ubharte hi rahe
chand diwane junun ke zamzame gate rahe
- Book : Kulliyat-e-Ali Sardar Jafri Vol.II (Pg. 152)
- Author : Ali Ahmad Fatmi
- Publication : Qaumi Council Baray-e-farog Urdu Zaban, New Delhi (2005)
- Edition : 2005
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
