aane wala inqalab aaya nahin
aane vaalā inqalāb aayā nahīñ
kyā koī ahl-e-kitāb aayā nahīñ
ism-e-āzam bhī paḌhā hai baar baar
ġhaar se lekin javāb aayā nahīñ
ho rahā hai kuchh na kuchh zer-e-zamīñ
koñpleñ phūTīñ gulāb aayā nahīñ
raat bhar phir hijr kā mausam rahā
jis ko aanā thā vo ḳhvāb aayā nahīñ
ḳhushk-lab lauTe haiñ kyuuñ sahrā-navard
rāste meñ kyā sarāb aayā nahīñ
mujh ko ik chashmak thī sail-e-ashk se
is liye maiñ zer-e-āb aayā nahīñ
aane wala inqalab aaya nahin
kya koi ahl-e-kitab aaya nahin
ism-e-azam bhi paDha hai bar bar
ghaar se lekin jawab aaya nahin
ho raha hai kuchh na kuchh zer-e-zamin
konplen phuTin gulab aaya nahin
raat bhar phir hijr ka mausam raha
jis ko aana tha wo KHwab aaya nahin
KHushk-lab lauTe hain kyun sahra-naward
raste mein kya sarab aaya nahin
mujh ko ek chashmak thi sail-e-ashk se
is liye main zer-e-ab aaya nahin
- Book : Lauh-e-Jahan (Pg. 60)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
