aankh be-qabu hai duniya ki tarah
aañkh be-qābū hai duniyā kī tarah
dil hai pahlū meñ tamannā kī tarah
koī āvāz koī guuñj nahīñ
vaqt chup-chāp hai sahrā kī tarah
tū hai ik phailtī baḌhtī ḳhushbū
maiñ huuñ ik sho.ala-e-tanhā kī tarah
tū mirī raah meñ kyuuñ haa.il hai
ek umDe hue dariyā kī tarah
mujh ko ma.alūm nahīñ thā ai dost
tū bhī begāna hai duniyā kī tarah
duur ufuq-pār hai shab pichhle-pahar
koī ubhrā ruḳh-e-zebā kī tarah
shahr meñ chāñdnī ban kar utrā
chhā gayā nashsha-e-sahbā kī tarah
bas tire rañg-e-hayā kī mānind
hū-ba-hū tere sarāpā kī tarah
ab kahāñ pā.ūñgā maiñ naqsh-e-'jamīl'
DhūñDhtā phirtā huuñ dariyā kī tarah
aankh be-qabu hai duniya ki tarah
dil hai pahlu mein tamanna ki tarah
koi aawaz koi gunj nahin
waqt chup-chap hai sahra ki tarah
tu hai ek phailti baDhti KHushbu
main hun ek shoala-e-tanha ki tarah
tu meri rah mein kyun hail hai
ek umDe hue dariya ki tarah
mujh ko malum nahin tha ai dost
tu bhi begana hai duniya ki tarah
dur ufuq-par hai shab pichhle-pahar
koi ubhra ruKH-e-zeba ki tarah
shahr mein chandni ban kar utra
chha gaya nashsha-e-sahba ki tarah
bas tere rang-e-haya ki manind
hu-ba-hu tere sarapa ki tarah
ab kahan paunga main naqsh-e-'jamil'
DhunDhta phirta hun dariya ki tarah
- Book : rang-e- gazal (Pg. 179)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
