aankh bhar aai hai meri sile sile lafz hain

aañkh bhar aa.ī hai merī siile siile lafz haiñ

ye mirī rūdād mere giile giile lafz haiñ

vasl-e-ḳhush-imkān ko bhūlā nahīñ vo hijratī

kesarī naame haiñ jin meñ niile niile lafz haiñ

dekh le tū khol kar apnī ye zambīl-e-suḳhan

aur to kuchh bhī nahīñ kaḌve kasīle lafz haiñ

zindagī kaḌvī hai par ḳhush-zā.eqa merā kahā

hoñT rakh kar dekh le mīThe rasīle lafz haiñ

sher kī mahfil meñ sab se muḳhtalif merī ġhinā

kāñch jaisā halq hai aur sab surīle lafz haiñ

ek do 'mahnāz-anjum' hoñ gulābī phuul bhī

dhyān kī Tahnī pe kitne piile piile lafz haiñ

aankh bhar aai hai meri sile sile lafz hain

ye meri rudad mere gile gile lafz hain

wasl-e-KHush-imkan ko bhula nahin wo hijrati

kesari name hain jin mein nile nile lafz hain

dekh le tu khol kar apni ye zambil-e-suKHan

aur to kuchh bhi nahin kaDwe kasile lafz hain

zindagi kaDwi hai par KHush-zaeqa mera kaha

honT rakh kar dekh le miThe rasile lafz hain

sher ki mahfil mein sab se muKHtalif meri ghina

kanch jaisa halq hai aur sab surile lafz hain

ek do 'mahnaz-anjum' hon gulabi phul bhi

dhyan ki Tahni pe kitne pile pile lafz hain