آنکھ دریا جگر لہو کرنا
آنکھ دریا جگر لہو کرنا
کتنا مشکل ہے آرزو کرنا
تجزیہ دل نشیں خیالوں کا
ہے غزالوں کی جستجو کرنا
تذکرہ ان کی دل نوازی کا
اور پھر میرے روبرو کرنا
بس یہی ایک شغل تنہائی
رہ گیا خود سے گفتگو کرنا
کشتگان الم سے سیکھا ہے
درد مندوں کی آبرو کرنا
دوستوں کے کرم سے چھوڑ دیا
ہم نے اندیشۂ عدو کرنا
بچنا ہر نوک خار سے اخترؔ
زخم پھولوں کے بھی رفو کرنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
