aankh mein ashk liye KHak liye daman mein

aañkh meñ ashk liye ḳhaak liye dāman meñ

ek dīvāna nazar aatā hai kab se ban meñ

mere ghar ke bhī dar-o-bām kabhī jāgeñge

dhuup niklegī kabhī to mire bhī āñgan meñ

kahiye ā.īna-e-sad-fasl-e-bahārāñ tujh ko

kitne phūloñ kī mahak hai tire pairāhan meñ

shab-e-tārīk mirā rāsta kyā rokegī

mire āñchal meñ sitāre haiñ sahar dāman meñ

kin shahīdoñ ke lahū ke ye farozāñ haiñ charāġh

raushnī sī jo hai zindāñ ke har ik rauzan meñ

ahd-e-rafta kī tamannā kā fusūñ zinda hai

dil-e-nākām abhī tak tirī har dhaḌkan meñ

hameñ manzūr nahīñ aglī ravāyāt-e-junūñ

bā-ḳhirad ho ga.ī 'gulnār' divāna-pan meñ

aankh mein ashk liye KHak liye daman mein

ek diwana nazar aata hai kab se ban mein

mere ghar ke bhi dar-o-baam kabhi jagenge

dhup niklegi kabhi to mere bhi aangan mein

kahiye aaina-e-sad-fasl-e-bahaaran tujh ko

kitne phulon ki mahak hai tere pairahan mein

shab-e-tarik mera rasta kya rokegi

mere aanchal mein sitare hain sahar daman mein

kin shahidon ke lahu ke ye farozan hain charagh

raushni si jo hai zindan ke har ek rauzan mein

ahd-e-rafta ki tamanna ka fusun zinda hai

dil-e-nakaam abhi tak teri har dhaDkan mein

hamein manzur nahin agli rawayat-e-junun

ba-KHirad ho gai 'gulnar' diwana-pan mein