aankh mein KHwab nahin KHwab ka sani bhi nahin
aañkh meñ ḳhvāb nahīñ ḳhvāb kā saanī bhī nahīñ
kunj-e-lab meñ koī pahlī sī kahānī bhī nahīñ
DhūñDhtā phirtā huuñ ik shahr-e-taḳhayyul meñ tujhe
aur mire paas tire ghar kī nishānī bhī nahīñ
baat jo dil meñ dhaḌaktī hai mohabbat kī tarah
us se kahnī bhī nahīñ us se chhupānī bhī nahīñ
āñkh-bhar niiñd meñ kyā ḳhvāb sameTeñ ki abhī
chāñdnī-rāt nahīñ rāt-kī-rānī bhī nahīñ
lailī-e-husn zarā dekh tire dasht-nazhād
sar-ba-sar ḳhaak haiñ aur ḳhaak uḌānī bhī nahīñ
kachche īñdhan meñ sulagnā hai aur is shart ke saath
tez karnī bhī nahīñ aag bujhānī bhī nahīñ
ab to yuuñ hai ki tire hijr meñ rone ke liye
aañkh meñ ḳhuun to kyā ḳhuun sā paanī bhī nahīñ
aankh mein KHwab nahin KHwab ka sani bhi nahin
kunj-e-lab mein koi pahli si kahani bhi nahin
DhunDhta phirta hun ek shahr-e-taKHayyul mein tujhe
aur mere pas tere ghar ki nishani bhi nahin
baat jo dil mein dhaDakti hai mohabbat ki tarah
us se kahni bhi nahin us se chhupani bhi nahin
aankh-bhar nind mein kya KHwab sameTen ki abhi
chandni-raat nahin raat-ki-rani bhi nahin
laili-e-husn zara dekh tere dasht-nazhad
sar-ba-sar KHak hain aur KHak uDani bhi nahin
kachche indhan mein sulagna hai aur is shart ke sath
tez karni bhi nahin aag bujhani bhi nahin
ab to yun hai ki tere hijr mein rone ke liye
aankh mein KHun to kya KHun sa pani bhi nahin
- Book : Tumhe.n Jaanee kii jaldii thii (Pg. 54)
- Author : Ayub Khawar
- Publication : Al-Hamd Publications (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
