aankh mein teri shakl hai dil mein tera jamal hai

aañkh meñ terī shakl hai dil meñ tirā jamāl hai

kis ko ye fursat-e-ḳhayāl hijr hai yā visāl hai

us kī shikastagī na dekh us ke faroġh par na jā

ishq to husn hī kā ek partav-e-lā-yazāl hai

terī nazar kī bijliyāñ kauñd ga.iiñ kahāñ kahāñ

farsh se arsh tak tamām raushnī-e-jamāl hai

pahle thā iztirāb-e-dil rūh-e-ravān-e-āshiqī

rāh-e-fanā meñ ab yahī māne-e-ittisāl hai

ab na vo fikr-e-nāma-bar aur na vo iztirāb-e-dil

apnā javāb aap hī ab mirā har savāl hai

aankh mein teri shakl hai dil mein tera jamal hai

kis ko ye fursat-e-KHayal hijr hai ya visal hai

us ki shikastagi na dekh us ke farogh par na ja

ishq to husn hi ka ek partaw-e-la-yazal hai

teri nazar ki bijliyan kaund gain kahan kahan

farsh se arsh tak tamam raushni-e-jamal hai

pahle tha iztirab-e-dil ruh-e-rawan-e-ashiqi

rah-e-fana mein ab yahi mane-e-ittisal hai

ab na wo fikr-e-nama-bar aur na wo iztirab-e-dil

apna jawab aap hi ab mera har sawal hai