aankh un se milane se kya faeda

aañkh un se milāne se kyā fā.eda

aur dil ko lagāne se kyā fā.eda

koī sapnā in āñkhoñ ko bhātā nahīñ

phir inheñ niiñd aane se kyā fā.eda

rotā chehra koī hañs na paayā kabhī

is tarah muskurāne se kyā fā.eda

gar kisī Thor koī ujālā na ho

to ye dīpak jalāne se kyā fā.eda

farq paḌtā nahīñ hai agar us taraf

sar ye ūñchā uThāne se kyā fā.eda

aankh un se milane se kya faeda

aur dil ko lagane se kya faeda

koi sapna in aankhon ko bhata nahin

phir inhen nind aane se kya faeda

rota chehra koi hans na paya kabhi

is tarah muskurane se kya faeda

gar kisi Thor koi ujala na ho

to ye dipak jalane se kya faeda

farq paDta nahin hai agar us taraf

sar ye uncha uThane se kya faeda