aankhen chura ke humse bahaar aae ye nahin

āñkheñ churā ke ham se bahār aa.e ye nahīñ

hisse meñ apne sirf ġhubār aa.e ye nahīñ

kū-e-ġham-e-hayāt meñ sab umr kaaT dī

thoḌā sā vaqt vaañ bhī guzār aa.e ye nahīñ

ḳhud ishq qurb-e-jism bhī hai qurb-e-jāñ ke saath

ham duur hī se un ko pukār aa.e ye nahīñ

āñkhoñ meñ dil khule hoñ to mausam kī qaid kyā

fasl-e-bahār hī meñ bahār aa.e ye nahīñ

ab kyā kareñ ki husn jahāñ hai aziiz hai

tere sivā kisī pe na pyaar aa.e ye nahīñ

va.adoñ ko ḳhūn-e-dil se likho tab to baat hai

kāġhaz pe qismatoñ ko sañvār aa.e ye nahīñ

kuchh roz aur kal kī muravvat meñ kaaT leñ

dil ko yaqīn-e-va.ada-e-yār aa.e ye nahīñ

aankhen chura ke hum se bahaar aae ye nahin

hisse mein apne sirf ghubar aae ye nahin

ku-e-gham-e-hayat mein sab umr kaT di

thoDa sa waqt wan bhi guzar aae ye nahin

KHud ishq qurb-e-jism bhi hai qurb-e-jaan ke sath

hum dur hi se un ko pukar aae ye nahin

aankhon mein dil khule hon to mausam ki qaid kya

fasl-e-bahaar hi mein bahaar aae ye nahin

ab kya karen ki husn jahan hai aziz hai

tere siwa kisi pe na pyar aae ye nahin

wadon ko KHun-e-dil se likho tab to baat hai

kaghaz pe qismaton ko sanwar aae ye nahin

kuchh roz aur kal ki murawwat mein kaT len

dil ko yaqin-e-wada-e-yar aae ye nahin