aankhon ko ashk-bar kiya hai kabhi kabhi
āñkhoñ ko ashk-bār kiyā hai kabhī kabhī
yuuñ terā intizār kiyā hai kabhī kabhī
mahshar ko darkinār kiyā hai kabhī kabhī
tujh par jo e.atibār kiyā hai kabhī kabhī
ḳhūn-e-jigar se ham ne guloñ ko nikhār kar
gulshan ko pur-bahār kiyā hai kabhī kabhī
us āstāna-e-nāz se nafrat bhī kī magar
sajda bhī baar baar kiyā hai kabhī kabhī
ham ne tumhārī yaad ke dāġhoñ se bhar ke dil
dil-gashta-e-bahār kiyā hai kabhī kabhī
saaqī ne de ke jaam kiyā ham ko shādmāñ
vaa.iz ne sogvār kiyā hai kabhī kabhī
'marġhūb' terī dī huī dīvāngī kā faiz
hastī ko taar taar kiyā hai kabhī kabhī
aankhon ko ashk-bar kiya hai kabhi kabhi
yun tera intizar kiya hai kabhi kabhi
mahshar ko darkinar kiya hai kabhi kabhi
tujh par jo eatibar kiya hai kabhi kabhi
KHun-e-jigar se hum ne gulon ko nikhaar kar
gulshan ko pur-bahaar kiya hai kabhi kabhi
us aastana-e-naz se nafrat bhi ki magar
sajda bhi bar bar kiya hai kabhi kabhi
hum ne tumhaari yaad ke daghon se bhar ke dil
dil-gashta-e-bahaar kiya hai kabhi kabhi
saqi ne de ke jam kiya hum ko shadman
waiz ne sogwar kiya hai kabhi kabhi
'marghub' teri di hui diwangi ka faiz
hasti ko tar tar kiya hai kabhi kabhi
- Book : Manzil-e-Dushwar (Urdu Poetry) (Pg. 55)
- Author : Marghoob Asar Fatmi
- Publication : Adabistan Publications (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
