aankhon ko kuchh KHwab dikha kar manenge

āñkhoñ ko kuchh ḳhvāb dikhā kar māneñge

aap hamāre hosh uḌā kar māneñge

lagtā hai ye paanī bechne vaale log

har bastī meñ aag lagā kar māneñge

tujh ko chhūne kī chāhat meñ dīvāne

shāyad apne haath jalā kar māneñge

tai to ye thā pichhlī bāteñ bhūlnī haiñ

aap magar sab yaad dilā kar māneñge

ghar kā jhagḌā gar bāhar aa jā.egā

bāhar vaale andar aa kar māneñge

chāhe phir āvāz chalī jaa.e lekin

ham us ko āvāz lagā kar māneñge

ghar pakkā karne kī bāteñ karte haiñ

ya.anī vo dīvār uThā kar māneñge

aankhon ko kuchh KHwab dikha kar manenge

aap hamare hosh uDa kar manenge

lagta hai ye pani bechne wale log

har basti mein aag laga kar manenge

tujh ko chhune ki chahat mein diwane

shayad apne hath jala kar manenge

tai to ye tha pichhli baaten bhulni hain

aap magar sab yaad dila kar manenge

ghar ka jhagDa gar bahar aa jaega

bahar wale andar aa kar manenge

chahe phir aawaz chali jae lekin

hum us ko aawaz laga kar manenge

ghar pakka karne ki baaten karte hain

yani wo diwar uTha kar manenge