aankhon ko mayassar koi manzar hi nahin tha

āñkhoñ ko mayassar koī manzar hī nahīñ thā

sar merā garebān se bāhar hī nahīñ thā

be-faiz havā.eñ thiiñ na saffāk thā mausam

sach ye hai ki us ghar meñ koī dar hī nahīñ thā

sar chain se rakkhā na ruke paañv ke dil meñ

ik baat bhī paivast thī ḳhanjar hī nahīñ thā

ham haar to jaate hī ki dushman ke hamāre

sau pair the sau haath the ik sar hī nahīñ thā

sahrā meñ vo sab kuchh thā jo thā shahr meñ apne

ik nafā o nuqsān kā daftar hī nahīñ thā

hāthoñ pe dharā sar ko 'suhail' aur chale ham

ab baab koī aur mayassar hī nahīñ thā

aankhon ko mayassar koi manzar hi nahin tha

sar mera gareban se bahar hi nahin tha

be-faiz hawaen thin na saffak tha mausam

sach ye hai ki us ghar mein koi dar hi nahin tha

sar chain se rakkha na ruke panw ke dil mein

ek baat bhi paiwast thi KHanjar hi nahin tha

hum haar to jate hi ki dushman ke hamare

sau pair the sau hath the ek sar hi nahin tha

sahra mein wo sab kuchh tha jo tha shahr mein apne

ek nafa o nuqsan ka daftar hi nahin tha

hathon pe dhara sar ko 'suhail' aur chale hum

ab bab koi aur mayassar hi nahin tha