aankhon mein hai kaisa pani band hai kyun aawaz
āñkhoñ meñ hai kaisā paanī band hai kyuuñ āvāz
apne dil se pūchho jānāñ merī chup kā raaz
us ke zaḳhm ko sahnā rahnā us meñ hī mahsūr
us ke zulm pe hañs kar kahnā terī umr darāz
terī marzī ḳhushiyoñ ke yā chheḌ ġhamoñ ke raag
tū merī sur-tāl kā mālik maiñ huuñ terā saaz
dil kī har dhaḌkan kā maujib diid shunīd tirī
siine meñ jaltī sāñsoñ kā tū hī ek javāz
aur sī aur huā hai sājan ziist kā har mafhūm
aur sī aur huī hai merī sochoñ kī parvāz
tujh bin kaun banegā ḳhālī āñkheñ guñg sadā
tujh bin jaan karegā 'tāhir' kis se raaz niyāz
aankhon mein hai kaisa pani band hai kyun aawaz
apne dil se puchho jaanan meri chup ka raaz
us ke zaKHm ko sahna rahna us mein hi mahsur
us ke zulm pe hans kar kahna teri umr daraaz
teri marzi KHushiyon ke ya chheD ghamon ke rag
tu meri sur-tal ka malik main hun tera saz
dil ki har dhaDkan ka maujib did shunid teri
sine mein jalti sanson ka tu hi ek jawaz
aur si aur hua hai sajan zist ka har mafhum
aur si aur hui hai meri sochon ki parwaz
tujh bin kaun banega KHali aankhen gung sada
tujh bin jaan karega 'tahir' kis se raaz niyaz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
