aankhon mein KHwab taza hai dil mein naya KHayal bhi

āñkhoñ meñ ḳhvāb taaza hai dil meñ nayā ḳhayāl bhī

aur jo mehrbāñ rahe gardish-e-māh-o-sāl bhī

milne kī ehtimām tak ham tire muntazir rahe

ab to nahīñ rahā magar milne kā ehtimāl bhī

vaqt kahāñ rukā bhalā par ye kise gumān thā

umr kī zad meñ aa.egā tujh sā parī-jamāl bhī

us ne diye the phuul jo ab use kyā dikhā.iye

rakhtā nahīñ hai jabki dil ḳhvāhish-e-indimāl bhī

ḳhvāb-e-jamāl tāza-tar aayā thā chor kī tarah

khurach ke dil se le gayā aap ke ḳhad-o-ḳhāl bhī

laao to maiñ hī Taañk duuñ taare ko āsmān par

mere hī haath se agar honā hai ye kamāl bhī

aankhon mein KHwab taza hai dil mein naya KHayal bhi

aur jo mehrban rahe gardish-e-mah-o-sal bhi

milne ki ehtimam tak hum tere muntazir rahe

ab to nahin raha magar milne ka ehtimal bhi

waqt kahan ruka bhala par ye kise guman tha

umr ki zad mein aaega tujh sa pari-jamal bhi

us ne diye the phul jo ab use kya dikhaiye

rakhta nahin hai jabki dil KHwahish-e-indimal bhi

KHwab-e-jamal taza-tar aaya tha chor ki tarah

khurach ke dil se le gaya aap ke KHad-o-KHal bhi

lao to main hi Tank dun tare ko aasman par

mere hi hath se agar hona hai ye kamal bhi