aankhon mein wo aaen to hansate hain mujhe KHwab
aankhon mein wo aaen to hansate hain mujhe KHwab
Sabeela Inam Siddiqui
MORE BYSabeela Inam Siddiqui
āñkhoñ meñ vo aa.eñ to hañsāte haiñ mujhe ḳhvāb
har roz na.e baaġh dikhāte haiñ mujhe ḳhvāb
ab pyaar ke mausam kā hai āġhāz yaqīnan
naġhmāt na.e ḳhuub sunāte haiñ mujhe ḳhvāb
ho niiñd pe chhāyā huā jab fikr kā bādal
ik sair na.ī samt karāte haiñ mujhe ḳhvāb
us ziist kī talḳhī se to achchhī hai mirī niiñd
titlī kabhī phūloñ se milāte haiñ mujhe ḳhvāb
ik dard kā ehsās jagāne ke liye hī
phūloñ kī tarah ḳhaar ke aate haiñ mujhe ḳhvāb
milte haiñ dukhāne ko mirā dil hī ka.ī log
phir dard ke sahrā meñ sulāte haiñ mujhe ḳhvāb
vo log 'sabīla' ke jo bichhḌe haiñ safar meñ
aksar unhīñ kī yaad dilāte haiñ mujhe ḳhvāb
aankhon mein wo aaen to hansate hain mujhe KHwab
har roz nae bagh dikhate hain mujhe KHwab
ab pyar ke mausam ka hai aaghaz yaqinan
naghmat nae KHub sunate hain mujhe KHwab
ho nind pe chhaya hua jab fikr ka baadal
ek sair nai samt karaate hain mujhe KHwab
us zist ki talKHi se to achchhi hai meri nind
titli kabhi phulon se milate hain mujhe KHwab
ek dard ka ehsas jagane ke liye hi
phulon ki tarah KHar ke aate hain mujhe KHwab
milte hain dukhane ko mera dil hi kai log
phir dard ke sahra mein sulate hain mujhe KHwab
wo log 'sabila' ke jo bichhDe hain safar mein
aksar unhin ki yaad dilate hain mujhe KHwab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
